അബുദാബി: യുഎഇയുടെ വിവിധ ഭാഗങ്ങളില്‍ മഴ പെയ്തു.അലൈനിലും അബുദാബിയിലും മഴ പെയ്യുന്നതിന്റെ ദൃശ്യങ്ങള്‍ കാലാവസ്ഥ നിരീക്ഷണകേന്ദ്രം സാമൂഹ്യമാധ്യമങ്ങളില്‍ പങ്കുവച്ചു. അല്‍ ദഫ്ര, അലൈന്‍ ഇന്റർനാഷണല്‍ എയർപോർട്ട്, സമീപ പ്രദേശങ്ങള്‍ എന്നിവിടങ്ങളിലും മഴ പെയ്തു.
പല ഭാഗങ്ങളിലും മഞ്ഞ-ഓറഞ്ച് മുന്നറിയിപ്പുകളും നല്‍കിയിരുന്നു. ഉച്ചക്ക് ശേഷം അലൈനില്‍ മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണകേന്ദ്രം മുന്നറിയിപ്പ് നല്‍കി. എന്നാല്‍ താപനില ഉയർന്ന് നില്‍ക്കുകയാണ്. അബുദാബി അല്‍ ദഫ്രയില്‍ 48.3 ഡിഗ്രി സെല്‍ഷ്യസാണ് രേഖപ്പെടുത്തിയ ഉയർന്ന താപനില.