തിരുവനന്തപുരം: തിരുവനന്തപുരം വിമാനത്താവളത്തില്‍ നിന്ന് സൗദി അറേബ്യയിലെ ദമാമിലേക്ക് പുറപ്പെട്ട എയ‍ർ ഇന്ത്യാ എക്സ്പ്രസ് വിമാനം അടിയന്തരമായി തിരുവനന്തപുരം വിമാനത്താവളത്തിലിറക്കി. സാങ്കേതിക തകരാറിനെ തുടർന്നാണ് വിമാനം തിരിച്ചിറക്കിയത്. വിന്‍ഡ് ഷീല്‍ഡില്‍ വിളളല്‍ കണ്ടെത്തിയതോടെയാണ് വിമാനം തിരിച്ചിറക്കിയതെന്ന് പിന്നീട് വിമാനത്താവള അധികൃതർ സ്ഥിരീകരിച്ചു.
രാവിലെ 7.51 നാണ് വിമാനം പുറപ്പെട്ടത്. സാങ്കേതിക തകരാർ കണ്ടെത്തിയതോടെ അരമണിക്കൂറിനുളളില്‍ വിമാനം തിരിച്ചിറക്കുകയായിരുന്നു. സൗദിയില്‍ നിന്നും വന്ദേഭാരത് മിഷന്‍റെ ഭാഗമായി കേരളത്തിലേക്ക് തിരികെ വരാനിരുന്ന വിമാനമാണ് യാത്ര റദ്ദാക്കി തിരിച്ചിറക്കിയത്. വിമാനത്തിലുണ്ടായിരുന്ന പൈലറ്റുള്‍പ്പടെയുളളള ജീവനക്കാരെല്ലാം സുരക്ഷിതരാണ്.