കൊച്ചി: ഈശോ സിനിമയ്ക്ക് പ്രദര്ശനാനുമതി നല്കരുതെന്ന് ആവശ്യപ്പെട്ട് സമര്പ്പിച്ച ഹര്ജി ഹൈക്കോടതി തള്ളി. ചീഫ് ജസ്റ്റിസ് അധ്യക്ഷനായ ബെഞ്ചിന്റേതാണ് നടപടി. ക്രിസ്ത്യന് അസോസിയേഷന് ഫോര് സോഷ്യല് ആക്ഷന് ആണ് കോടതിയില് പൊതുതാല്പ്പര്യ ഹര്ജി നല്കിയത്.
സിനിമയുടെ പേര് മതവികാരം വ്രണപ്പെടുത്തുന്നതാണ് എന്നായിരുന്നു ഹര്ജിയിലെ ആരോപണം. സിനിമയ്ക്ക് ദൈവത്തിന്റെ പേര് ഇട്ടെന്ന് കരുതി കോടതിക്ക് ഇടപെടാനാകില്ലെന്ന് ഹൈക്കോടതി വ്യക്തമാക്കി.
ഈ ചിത്രത്തിന്റെ പേര് പ്രഖ്യാപിച്ചതിന് പിന്നാലെ ക്രൈസ്തവ സമൂഹത്തില് നിന്നും ശക്തമായ എതിര്പ്പ് ഉയര്ന്നിരുന്നു. ഇക്കാര്യത്തില് എതിര്ത്തും അനുകൂലിച്ചും സിനിമാ രംഗത്തും പൊതു സമൂഹത്തിലും ചര്ച്ചകളും ചൂടുപിടിച്ചു. പി സി ജോര്ജ് അടക്കമുള്ള പ്രമുഖരും ഈശോ എന്ന പേരിനെതിരെ രംഗത്തു വന്നിരുന്നു.