അബുദബിയില്‍ വാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ ഒരാള്‍ മരിച്ചു. 7 പേർക്ക് പരുക്കേറ്റു. അമിത വേഗതയും വാഹനങ്ങള്‍ തമ്മിലുളള സുരക്ഷിത അകലം പാലിക്കാത്തതുമാണ് അപകടത്തിനിടയാക്കിയത്.നാല് വാഹനങ്ങള്‍ക്ക് കേടുപറ്റുകയും ചെയ്തു. നിയന്ത്രണം വിട്ട വാഹനം മുന്നിലുളള വാഹനത്തില്‍ ഇടിക്കുകയായിരുന്നു. വാഹനമോടിച്ചിരുന്നയാളെ പബ്ലിക് പ്രോസിക്യൂഷന് കൈമാറി. ഗതാഗത നിയമങ്ങള്‍ പാലിക്കാത്തതിനാല്‍ ആറ് മാസത്തെ ജയില്‍ ശിക്ഷയും 5000 ദിർഹം പിഴയുമാണ് കോടതി ചുമത്തിയത്. ഡ്രൈവിംഗ് ലൈസന്‍സ് മൂന്ന് മാസത്തേക്ക് റദ്ദാക്കുകയും ചെയ്തു. മരിച്ച വ്യക്തിയുടെ കുടുംബത്തിന് 2,00,000 ദിർഹം ദിയാധനം നല്‍കാനും ഉത്തരവ് വ്യക്തമാക്കുന്നു