അബുദബി: യുഎഇ രാഷ്ട്രപതി ഷെയ്ഖ് ഖലീഫ ബിന്‍ സയ്യീദ് അല്‍ നഹ്യാന്‍റെ ഉപദേശകനായ അന്‍വർ ഗർഗാഷ് ദില്ലിയില്‍ കേന്ദ്ര വിദേശകാര്യമന്ത്രി എസ് ജയശങ്കറുമായി കൂടികാഴ്ച നടത്തി. അബൂദബി കിരീടാവകാശിയും യു.എ.ഇ സായുധസേനയുടെ ഡെപ്യൂട്ടി സുപ്രീം കമാൻഡറുമായ ഷെയ്ഖ് മുഹമ്മദ് ബിൻ സായിദ് അല്‍ നഹ്യാന്‍റെ സന്ദേശം അദ്ദേഹം ജയ ശങ്കറിന് കൈമാറി. ഇരു രാജ്യങ്ങളും തമ്മിലുളള നയതന്ത്ര ബന്ധം ഊഷ്മളമാക്കുന്നതിനായി ഒരുമിക്കാമെന്ന് പ്രധാനമന്ത്രി നരേന്ദ്രമോഡിക്ക് അയച്ച സന്ദേശത്തില്‍ പറയുന്നു.
ഷെയ്ഖ് ഖലീഫ ബിന്‍ സയ്യീദ് അല്‍ നഹ്യാന്‍, യുഎഇ വൈസ് പ്രസിഡന്‍റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം എന്നിവരുടെ ആശംസയും ഗർഗാഷ് , എസ് ജയശങ്കറിനെ അറിയിച്ചു.