കോഴിക്കോട്: കോഴിക്കോട് മിഠായിത്തെരുവില് വന് തീപിടിത്തം. അപകടത്തില് ആളപായം ഇല്ല. തീപിടിച്ച കടകളില് ആളുകള് കുറവായതിനാല് വന് ദുരന്തം ഒഴിവാകുകയായിരുന്നു. പാളയം മൊയ്തീന് പള്ളിക്ക് സമീപത്താണ് തീപിടിത്തമുണ്ടായത്. ഇവിടെയുള്ള ഒരു ചെരുപ്പ് കടയില് നിന്നാണ് തീ പടര്ന്നതെന്നാണ് പ്രാഥമിക നിഗമനം.
പൊലീസും അഗ്നിരക്ഷാസേനയും തീ അണയ്ക്കാനുള്ള ശ്രമം നടത്തുകയാണ്. ഇവിടെ നിരവധി കടകളുള്ളതിനാല് സമീപത്തുള്ള കടകളിലേക്ക് തീ പടരുന്നത് തടയാനുള്ള ശ്രമത്തിലാണ് അഗ്നിരക്ഷാസേന. അഞ്ച് ഫയര് എഞ്ചിനുകള് സംഭവസ്ഥലത്ത് എത്തിയിട്ടുണ്ട്.
ചെരുപ്പ് കടയുടെ സമീപത്തെ കടയില് ഒരു സ്ത്രീമാത്രമാണ് ഉണ്ടായിരുന്നത്. ഇവരെ ഫയര്ഫോഴ്സ് പെട്ടന്ന് തന്നെ പുറത്തെത്തിച്ചു.