ദുബായ്: രാജ്യത്തിന് പുറത്തുളള വിദ്യാർത്ഥികള്‍ക്ക് ദുബായില്‍ ഒക്ടോബർ മൂന്നിന് ശേഷം ഓണ്‍ലൈന്‍ പഠനം തുടരാമെന്ന് നോളജ് ആന്‍റ് ഹ്യൂമന്‍ ഡെവലപ്മെന്‍റ് അതോറിറ്റി. ദുബായിലെ സ്കൂളുകളില്‍ ഒക്ടോബറില്‍ നേരിട്ടുളള പഠനം ആരംഭിക്കാനിരിക്കുകയാണ്. എന്നാല്‍ കോവിഡ് സാഹചര്യത്തില്‍ യാത്രാനിയന്ത്രണങ്ങളുളളതിനാല്‍ യുഎഇയിലേക്ക് തിരികെ വരാന്‍ സാധിക്കാത്ത കുട്ടികള്‍ക്ക് മാത്രമാണ് ഇളവുണ്ടാവുക.
എന്തുകൊണ്ടാണ് ഓണ്‍ലൈന്‍ പഠനം തിരഞ്ഞെടുത്തത് എന്ന് രക്ഷിതാക്കള്‍ വ്യക്തമാക്കണം. അനുബന്ധ രേഖകളും സമ‍ർപ്പിക്കണമെന്നും കെഎച്ച്ഡിഎ നി‍ർദ്ദേശമുണ്ടെന്ന് വിവിധ സ്കൂള്‍ വൃത്തങ്ങള്‍ സൂചിപ്പിക്കുന്നു.