ഒട്ടാവ: കാനഡയില് പ്രധാനമന്ത്രി ജസ്റ്റിന് ട്രൂഡോ മൂന്നാം തവണയും തെരഞ്ഞെടുക്കപ്പെട്ടു. പൊതു തെരഞ്ഞെടുപ്പില് ട്രൂഡോയുടെ ലിബറല് പാര്ട്ടി ഏറ്റവും വലിയ ഒറ്റക്കക്ഷിയായെങ്കിലും ലിബറല് പാര്ട്ടിക്ക് കേവല ഭൂരിപക്ഷം ലഭിച്ചില്ലെന്നാണ് റിപ്പോര്ട്ടുകള്.അതേസമയം, വരാനിരിക്കുന്നത് ശുഭകരമായ ദിവസങ്ങളാകുമെന്ന് ജനങ്ങളോടു നന്ദി പറഞ്ഞുകൊണ്ട് ജസ്റ്റിന് ട്രൂഡോ പ്രതികരിച്ചു.
കേവല ഭൂരിപക്ഷം ലഭിക്കാന് 170 സീറ്റുകളാണ് ലഭിക്കേണ്ടത്. എന്നാല് അത് നേടാന് ലിബറല് പാര്ട്ടിക്ക് ആയില്ലെന്നാണ് വോട്ടെണ്ണലിന്റെ അവസാന ഘട്ടത്തിലുള്ള റിപ്പോര്ട്ട്. കനേഡിയന് പാര്ലമെന്റായ ഹൗസ് ഓഫ് കോമണ്സിലെ ആകെയുള്ള 338 സീറ്റുകളില് ജസ്റ്റിന് ട്രൂഡോയുടെ ലിബറല് പാര്ട്ടിക്ക് 157 സീറ്റുകളാണ് ഉറപ്പായത്. 123 സീറ്റുകളാണ് കണ്സര്വേറ്റീവ് പാര്ട്ടി നേടിയതെന്ന്് കണക്കുകള് സൂചിപ്പിക്കുന്നു.