തിരുവനന്തപുരം: വാടക വീടുകളില് താമസിക്കുന്നവര്ക്ക് റേഷന് കാര്ഡ് ലഭിക്കുന്നതില് ഇളവ് പ്രഖ്യാപിച്ച് സംസ്ഥാന സര്ക്കാര്. ഇനി മുതല് റേഷന് കാര്ഡിനായി കെട്ടിട ഉടമയുടെ സമ്മതപത്രം ആവശ്യമില്ല. സ്വയം സാക്ഷ്യപ്പെടുത്തിയ സത്യപ്രസ്താവന മതിയെന്നും വാടകക്കരാര് പരിഗണിക്കേണ്ടെന്നുമാണ് സര്ക്കാര് ഉത്തരവ്.
വാടക വീടുകളില് താമസിക്കുന്നവര്ക്ക് റേഷന് കാര്ഡ് ലഭിക്കുന്നില്ലെന്ന പരാതി ഉയര്ന്നിരുന്നു. നിലവില് വാടക കരാറിന്റെയോ കെട്ടിട ഉടമയുടെ സമ്മത പത്രത്തിന്റെയോ അടിസ്ഥാനത്തിലാണ് റേഷന് കാര്ഡ് അനുവദിച്ചിരുന്നത്. എന്നാല് വാടക വീട്ടില് മറ്റൊരു റേഷന് കാര്ഡ് ഉണ്ടെങ്കിലോ കെട്ടിട ഉടമ സമ്മതപത്രം നല്കിയില്ലെങ്കിലോ റേഷന് കാര്ഡ് ലഭിക്കാത്ത സാഹചര്യം ഉണ്ടായിരുന്നു. ഇതിന്റെ അടിസ്ഥാനത്തിലാണ് സര്ക്കാര് പുതിയ ഉത്തരവ് ഇറക്കിയത്.