ഇടുക്കി: ഇടുക്കി അണക്കെട്ടിലെ ജലനിരപ്പ് ക്രമീകരിക്കാനായി തുറന്ന മൂന്ന് ഷട്ടറുകളില് അവസാനത്തേതും അടച്ചു. മഴയും നീരൊഴുക്കും കുറഞ്ഞതോടെയാണ് മൂന്നാമത്തെ ഷട്ടറും അടക്കാന് സംസ്ഥാന റൂള് ലെവല് കമ്മിറ്റി തീരുമാനിച്ചത്.
കനത്ത മഴയെ തുടർന്ന് ജലനിരപ്പ് ഉയർന്നതിനാൽ 19നാണ് ഇടുക്കിയിലെ മൂന്ന് ഷട്ടറുകള് 35 സെന്റിമീറ്റര് വീതം തുറന്നത്. മഴ കുറയുകയും പുതിയ റൂള് ലെവല് നിലവില് വരുകയും ചെയ്തതോടെ 22ന് രണ്ട് ഷട്ടറുകള് അടയ്ക്കുകയും. മൂന്നാമത്തെ ഷട്ടര് 40 സെന്റിമീറ്ററായി ഉയര്ത്തുകയും ചെയ്യ്തു.
എന്നാൽ ജലനിരപ്പ് 2397.90 അടിയിലെത്തിയ സാഹചര്യത്തിലാണ് ഇപ്പോൾ മൂന്നാമത്തെ ഷട്ടര് അടയ്ക്കാന് ജില്ലാ കളക്ടര് അനുമതി നല്കിയത്. ഇത്രയും ദിവസം കൊണ്ട് 46.296 ദശലക്ഷം ഘനമീറ്റര് വെള്ളമാണ് ഷട്ടര് വഴി പുറത്തേക്ക് ഒഴുകിയത്.