ഇസ്താംബൂൾ: ഇസ്താംബൂൾ, പടിഞ്ഞാറൻ തുർക്കിയിൽ വെള്ളിയാഴ്ച ഉച്ചതിരിഞ്ഞ് 7.0 തീവ്രത രേഖപ്പെടുത്തിയ ഭൂചലനത്തിൽ നാല് പേർ മരിച്ചു. തീരപ്രദേശങ്ങളിൽ കെട്ടിടങ്ങൾ തകർന്നുവീണു. തുർക്കി ആരോഗ്യമന്ത്രി ഫഹ്രെറ്റിൻ കോക ട്വിറ്ററിലൂടെ മരണസംഖ്യ അറിയിച്ചു. തുർക്കി നഗരമായ ഇസ്മിറിലും പരിസരത്തുമുള്ള ആളുകൾ സുരക്ഷ തേടി കെട്ടിടങ്ങളിൽ നിന്ന് ഓടിപ്പോയ ശേഷം തെരുവിലിറങ്ങി. ഇസ്മിറിൽ 20 കെട്ടിടങ്ങളെങ്കിലും തകർന്നതായി നഗര മേയർ പറഞ്ഞു.