മസ്‌കറ്റ്: പ്രവാസി തൊഴിലാളികളുടെ തൊഴില്‍ കരാറുകള്‍ രജിസ്റ്റര്‍ ചെയ്യുന്നതിനുള്ള സമയപരിധി ഒമാന്‍ നീട്ടി. രാജ്യത്തെ സ്വകാര്യ മേഖലയിലെ സ്ഥാപനങ്ങള്‍ക്ക് തൊഴില്‍ കരാറുകള്‍ രജിസ്റ്റര്‍ ചെയ്യുന്നതുമായി ബന്ധപ്പെട്ട നടപടികള്‍ പൂര്‍ത്തിയാക്കുന്നതിനുള്ള സമയപരിധിയാണ് നീട്ടിയിരിക്കുന്നത്.
2021 ഡിസംബര്‍ 31 വരെ സമയമനുവദിച്ചിട്ടുണ്ടെന്ന് ഒമാന്‍ അറിയിച്ചു. ഡിസംബര്‍ ഒന്നിനാണ് മന്ത്രാലയം ഇതുസംബന്ധിച്ച അറിയിപ്പ് പുറത്തിറക്കിയത്. ഇത്തരം സ്ഥാപനങ്ങളിലെ പ്രവാസി തൊഴിലാളികളുടെ തൊഴില്‍ കരാറുകള്‍ രജിസ്റ്റര്‍ ചെയ്യുന്നത് പൂര്‍ത്തിയാക്കാന്‍ 2021 ഡിസംബര്‍ 31 വരെ അധികസമയം അനുവദിച്ചിട്ടുണ്ടെന്നാണ് അറിയിപ്പില്‍ വ്യക്തമാക്കിയിരിക്കുന്നത്.