തിരുവനന്തപുരം മുല്ലപ്പെരിയാര് അണക്കെട്ടിന്റെ ഷട്ടറുകള് തമിഴ്നാട് തുറന്നതുമായി ബന്ധപ്പെട്ട് ജലവിഭവ വകുപ്പ് മന്ത്രി റോഷി അഗസ്റ്റിന് നടത്തിയ അഭിപ്രായ പ്രകടനം ദയനീയ കീഴടങ്ങലെന്ന് എന്.കെ പ്രേമചന്ദ്രന് എം.പി.
മുല്ലപ്പെരിയാര് വിഷയത്തില് സംസ്ഥാന സര്ക്കാര് കൈമലര്ത്തുന്നത് തമിഴ്നാടുമായുള്ള രഹസ്യധാരണ മൂലമാണെന്നും എന്.കെ പ്രേമചന്ദ്രന് ആരോപിച്ചു. എന്നാൽ മുല്ലപ്പെരിയാര് വിഷയം സര്ക്കാര് ഗൗരവത്തോടെയാണ് കാണുന്നതെന്ന് മന്ത്രി റോഷി അഗസ്റ്റിന് പറഞ്ഞു. സുപ്രീം കോടതിയെ ഈ വിവരം അറിയിക്കും. 142 അടിയില് എത്തുന്നതിനു മുന്പ് ഇത്തരത്തില് തുറന്നു വിട്ടത് അനുവദിക്കാവുന്നതല്ല. സര്ക്കാര് ഇക്കാര്യത്തില് തീവ്രമായ അറിയിപ്പ് തമിഴ് നാടിന് നല്കും. ഇക്കാര്യത്തില് അതീവമായ ദുഃഖം ഉണ്ടെന്നും വിഷയം ഇന്നുതന്നെ സുപ്രീം കോടതിയെ അറിയിക്കുമെന്നും മന്ത്രി വ്യക്തമാക്കി.
മേല്നോട്ട സമിതി കൂടാതെ ഇങ്ങനെ ചെയ്തത് സമിതിയെ അറിയിക്കും. എത്ര കാലം ഇങ്ങനെ രാത്രിയില് സുരക്ഷ ഒരുക്കുമെന്നും മന്ത്രി ചോദിച്ചു. ദുരന്ത നിവാരണ നിയമം ഉപയോഗിച്ച് നടപടി എടുക്കാന് ശ്രമം നടത്തുമെന്നും അദ്ദേഹം പറഞ്ഞു.