കൊച്ചി: കോവിഡ് വാക്സിനേഷന് സര്ട്ടിഫിക്കറ്റില് നിന്ന് പ്രധാനമന്ത്രി നരേന്ദ്ര മോഡിയുടെ ചിത്രം നീക്കണമെന്ന് ആവശ്യപ്പെട്ട് നല്കിയ ഹര്ജി ഹൈക്കോടതി തള്ളി. ഹര്ജിയ്ക്ക് പിന്നില് രാഷ്ട്രീയ താല്പ്പര്യമുണ്ടെന്ന് നിരീക്ഷിച്ച കോടതി ഹര്ജിക്കാരന് ഒരു ലക്ഷം രൂപ പിഴ ചുമത്തി.
ആറാഴ്ചയ്ക്കകം പിഴ അടയ്ക്കണം. കടത്തുരുത്തി സ്വദേശി പീറ്റർ മാലിപ്പറമ്പിൽ ആണ് ഹർജിക്കാരൻ. പണം കൊടുത്ത് സ്വകാര്യ ആശുപത്രിയിൽ വാക്സിൻ എടുക്കുമ്പോൾ മോദിയുടെ ചിത്രം പതിക്കുന്നത് മാലികവകാശ ലംഘനം എന്നായിരുന്നു വാദം.
എന്നാൽ കോടതികളില് നിരവധി ഗൗരവമുള്ള കേസുകള് കെട്ടിക്കിടക്കുമ്പോള് ഇത്തരം അനാവശ്യ ഹര്ജികള് പ്രോത്സാഹിപ്പിക്കാനാകില്ല. ഈ ഹര്ജിക്ക് പിന്നില് പൊതുതാല്പ്പര്യമല്ലെന്നും പ്രശസ്തി താല്പ്പര്യമാണെന്നും ജസ്റ്റിസ് പി.വി.കുഞ്ഞികൃഷ്ണന് അഭിപ്രായപ്പെട്ടു.