തിരുവനന്തപുരം: വാളയാര് പെണ്കുട്ടികളുടെ മരണത്തില് സിബിഐ കുറ്റപത്രം സമര്പ്പിച്ചു. പൊലീസ് പ്രതിചേര്ത്തവര് തന്നയാണ് സിബിഐ കേസിലും പ്രതികള്. നിരന്തരമായ ശാരീരിക പീഡനത്തെ തുടര്ന്ന് സഹോദരിമാര് ആത്മഹത്യ ചെയ്തുവെന്നാണ് പൊലീസിനു പിന്നാലെ സിബിഐയും സമര്പ്പിച്ച കുറ്റപത്രത്തില് പറയുന്നത്.
ആദ്യത്തെ പെണ്കുട്ടിയുടെ മരണത്തില് വലിയ മധു എന്നു വിളിക്കുന്ന മധു, ഷിബു, മധു എന്നിവര് പ്രതികളാണെന്ന് സിബിഐ കുറ്റപത്രത്തില് പറയുന്നു. രണ്ടാമത്തെ പെണ്കുട്ടിയുടെ മരണത്തില് വലിയ മധുവും, പ്രായപൂര്ത്തിയാകാത്ത ആണ്കുട്ടിയും പ്രതികളാണ്. പാലക്കാട് പോക്സോ കോടതിയിലാണ് കുറ്റപത്രം നല്കിയത്.
തിരുവനതപുരം സിബിഐ യൂണിറ്റ് ഡിവൈഎസ്പി അനന്തകൃഷ്ണനാണ് റിപ്പോര്ട്ട് നല്കിയത്. ബലാല്സംഗം, പോക്സോ, ആത്മഹത്യ പ്രേരണ എന്നിവയാണ് പ്രതികള്ക്കെതിരെ ചുമത്തിയിരിക്കുന്ന കുറ്റങ്ങള്. പ്രതി ഷിബുവിനെതിരെ എസ് സി/ എസ് ടി വകുപ്പും ചുമത്തിയിട്ടുണ്ട്.