തിരുവനന്തപുരം: സംസ്ഥാനത്ത് ഒമിക്രോണ് പശ്ചാത്തലത്തില് രാത്രികാല നിയന്ത്രണം ഏര്പ്പെടുത്തിയിരിക്കുകയാണ്. ഈ സാഹചര്യത്തില് അടിയന്തര ആവശ്യങ്ങള്ക്ക് പുറത്തിറങ്ങുന്നവര് സ്വയം സാക്ഷ്യപത്രം കൈയില് കരുതണം. മത, സാമുദായിക, രാഷ്ട്രീയ, സാംസ്കാരിക, സാമൂഹിക കൂടിച്ചേരലുകള്ക്കും നിയന്ത്രണം ബാധകമാണെന്നാണ് നിര്ദേശത്തില് വ്യക്തമാക്കുന്നു.
ഡിസംബര് 30 മുതല് ജനുവരി രണ്ടു വരെയാണ് നിയന്ത്രണം. ദേവാലയങ്ങളിലും മറ്റ് പൊതുയിടങ്ങളിലും ഉള്പ്പെടെ നടത്തുന്ന പരിപാടികള്ക്കും നിയന്ത്രണമുണ്ട്. ആള്ക്കൂട്ട പരിപാടികളൊന്നും രാത്രി പത്തു മണി മുതല് രാവിലെ അഞ്ച് വരെ അനുവദിക്കില്ലെന്നും ദുരന്തനിവാരണ വകുപ്പ് അറിയിച്ചു.