കൊച്ചി: അന്വേഷണ ഉദ്യോഗസ്ഥനെ ഭീഷണിപ്പെടുത്തിയെന്ന കേസില് മുന്കൂര് ജാമ്യം തേടി നടന് ദിലീപ് ഹൈക്കോടതിയില്. വിചാരണ നീട്ടാന് ആസൂത്രിത നീക്കം നടക്കുന്നു. കേസ് കെട്ടിച്ചമച്ചതാണെന്നും തെളിവുകള് വ്യാജമാണെന്നും ദിലീപ് ഹര്ജിയില് ആരോപിച്ചു. ഇതിനിടെ ദിലീപിന്റെ സഹോദരന് അനൂപും സഹോദരി ഭര്ത്താവ് സുരാജും കോടതിയെ സമീപിച്ചു.
നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താന് ദിലീപ് അടക്കമുള്ള പ്രതികള് ഗൂഢാലോചന നടത്തിയ സംഭവത്തില് എറണാകുളം ക്രൈം ബ്രാഞ്ച് എസ്പി മോഹന ചന്ദ്രന്റെ നേതൃത്വത്തില് അന്വേഷണം ആരംഭിച്ചു.
ഒന്നാം പ്രതിയായ നടന് ദിലിപിനെക്കൂടാതെ സഹോദരന് അനൂപ് , സഹോദരീ ഭര്ത്താവ് സുരാജ്, അനൂപിന്റെ ഭാര്യാ സഹോദരന് അപ്പു, ദിലീപിന്റെ സുഹൃത്തായ ബൈജു ചെങ്ങമനാട് എന്നിവര്ക്കെതിരെയാണ് ക്രമിനില് ഗൂഢാലോചന അടക്കമുള്ള വകുപ്പുകള് ചേര്ത്ത് കേസ് എടുത്തത്.