കാസര്ഗോഡ്: കാസര്ഗോഡ് ജില്ലയിലെ പൊതു പരിപാടികള് വിലക്കിയുള്ള ഉത്തരവ് ജില്ലാ കളക്ടര് പിന്വലിച്ചു. ഉത്തരവിറക്കി മൂന്ന് മണിക്കൂറിനുള്ളിലാണ് കളക്ടറുടെ നടപടി. സിപിഐഎം ജില്ലാ സമ്മേളനം ഇന്ന് കാസര്ഗോഡ് നടക്കും. നിയന്ത്രണം ഏര്പ്പെടുത്തിയതോടെ സമ്മേളനം അനിശ്ചിത്വത്തിലായിരുന്നു.
ജില്ലയില് കോവിഡ് കേസുകളുടെ എണ്ണം ക്രമാതീതമായി വര്ധിച്ച സാഹചര്യത്തിലാണ് പൊതു പരിപാടികള്ക്ക് നിരോധനം ഏര്പ്പെടുത്തിയത്. ആള്ക്കൂട്ടം അനുവദിച്ചു കൊണ്ടുള്ള എല്ലാ പൊതു പരിപാടികളും നിരോധിച്ചിരുന്നു. കാസര്ഗോഡ് ഇന്നലെ 36.6 ശതമാനമായിരുന്നു ടെസ്റ്റ് പോസിറ്റിവിറ്റി നിരക്ക്. ആകെ പരിശോധന നടത്തിയ 3098 പേരില് 1135 പേര്ക്കാണ് ഇന്നലെ രോഗം സ്ഥിരീകരിച്ചത്.