ദുബായ് : വാലന്‍റൈന്‍ ദിനത്തില്‍ ടിക്കറ്റ് നിരക്കില്‍ ഇളവ് പ്രഖ്യാപിച്ച് എമിറേറ്റ്സ്. നിശ്ചിത സ്ഥലങ്ങളിലേക്ക് ടിക്കറ്റ് നിരക്കില്‍ 25 ശതമാനം ഇളവാണ് കമ്പനി പ്രഖ്യാപിച്ചിരിക്കുന്നത്. പ്രണയിക്കുന്നവർക്കൊപ്പമോ സുഹൃത്തുക്കള്‍ക്കപ്പോ യാത്ര ചെയ്യാന്‍ സാധിക്കും.ഒരേ ബുക്കിംഗ് റെഫറന്‍സില്‍ പരമാവധി 9 പേർക്ക് ടിക്കറ്റെടുക്കാം. ഫെബ്രുവരി 14 വരെ തിരിച്ചുളള യാത്രടിക്കറ്റും ബുക്ക് ചെയ്യാം. ലണ്ടന്‍,ഇസ്താംബുള്‍, മൗറീഷ്യസ്, നെയ്റോബി, സീഷെല്‍സ് ഉള്‍പ്പടെ 20 ഇടങ്ങളിലേക്കാണ് 25 ശതമാനം ഇളവ് ലഭ്യമാകുക.