ദുബായ് : ഇന്ത്യൻ സിനിമ മേഖലയിൽ നിന്ന് തെന്നിന്ത്യൻ താര ദമ്പതികളായ ഫഹദ് ഫാസിലിനും നസ്‌റിയ നാസിമിനും യു.എ.ഇ ഗോൾഡൻ വിസ ലഭിച്ചു . ഇതാദ്യമായാണ് ഇന്ത്യൻ സിനിമ മേഖലയിൽ നിന്നും താര ദമ്പതികൾക്ക് യു.എ.ഇ യുടെ ഗോൾഡൻ വിസ ലഭിക്കുന്നത്. ദുബായിലെ ഏറ്റവും പ്രശസ്തമായ സർക്കാർ സേവന ദാതാക്കളായ ഇ.സി.എച്ഛ് ആണ് ഫഹദ് ഫാസിലിനും നസ്രിയ നാസിമിന്റെയും ഗോൾഡൻ വിസ നടപടി ക്രമങ്ങൾ പൂർത്തീകരിച്ചത് .
ഇരുവരും ഇ.സി.എച്ഛ് ആസ്ഥാനത്തെത്തി സി.ഇ.ഓ ഇഖ്ബാൽ മാർക്കോണിയിൽ നിന്നും ഗോൾഡൻ വിസ ഏറ്റുവാങ്ങി. അറബ് പ്രമുഖൻ അബ്ദുള്ള ഫലാസി , ദുബായ് ടി.വി ഡയറക്ടർ അഹമ്മദ് , പി.എം അബ്ദുറഹ്മാൻ , ഫാരിസ് ഫൈസൽ എന്നിവർ സംബന്ധിച്ചു.
തങ്ങൾക്കു നൽകിയ അംഗീകാരത്തിന് ദുബായ് ഭരണാധികാരി ഷെയ്ഖ് മുഹമ്മദിന് ഇരുവരും നന്ദി അറിയിച്ചു. വ്യത്യസ്ത മേഖലകളിൽ കഴിവ് തെളിയിച്ച പ്രതിഭകൾക്ക് യു.എ .ഇ നൽകി വരുന്ന പത്ത് വർഷ താമസ വിസയാണ് ഗോൾഡൻ വിസ.