ദുബായ്: റീട്ടെയിൽ സ്റ്റോറിന്‍റെ പരസ്യബോർഡിനുള്ളിൽ കുടുങ്ങിയ ആഫ്രിക്കൻ യുവാവിനെ ദുബായ് പോലീസ് രക്ഷപ്പെടുത്തി. നൈഫ് പോലീസ് സ്റ്റേഷന്‍ ജനറല്‍ ഡിപാർട്മെന്‍റ് ഓഫ് ട്രാന്‍സ്പോർട് ആന്‍റ് റെസ്ക്യൂ , ദുബായിലെ ഡയറക്ടറേറ്റ് ഓഫ് സിവില്‍ ഡിഫന്‍സ് എന്നിവരുടെ സഹകരണത്തോടെയാണ് രക്ഷാപ്രവർത്തനം നടന്നത്.
ആഫ്രിക്കന്‍ പൗരനാണ് അപകടത്തില്‍ പെട്ടത്. .മുറിയില്‍ ത‍ർക്കമുണ്ടായതിന് ശേഷം ദേഷ്യത്തോടെ ബാത്ത് റൂമിലെ ജനലിലൂടെ പുറത്തേക്ക് ഇറങ്ങാന്‍ ശ്രമിക്കവെ നിയന്ത്രണം വിട്ട് താഴെയുളള കടയുടെ പരസ്യബോഡിനുളളിലേക്ക് വീഴുകയായിരുന്നു.
കടയുടെ ഉടമയാണ് ബോർഡിനുളളില്‍ ഇയാള്‍ കുടുങ്ങി കിടക്കുന്നത് കണ്ടത്. ഉടനെ തന്നെ പോലീസിനെ വിവരം അറിയിക്കുകയായിരുന്നു. ഇതേ തുടർന്ന് രക്ഷാ സംഘം സ്ഥലത്തെത്തുകയും ഇയാളെ രക്ഷിക്കുകയുമായിരുന്നു.