കൊച്ചി: നടിയെ ആക്രമിച്ച കേസില് മാധ്യമ വാര്ത്തകള് വിലക്കണമെന്നാവശ്യപ്പെട്ട് നടൻ ദിലീപ് സമർപ്പിച്ച ഹർജി ഈ മാസം 24ലേക്ക് മാറ്റി. മാധ്യമ വിചാരണ നടത്തി തനിക്കെതിരേ ജനവികാരം ഉണ്ടാക്കാന് അന്വേഷണ സംഘം ശ്രമിക്കുന്നുവെന്ന് ഹർജിയില് ദിലീപ് ആരോപിക്കുന്നു.
വിചാരണ കോടതിയിലെ നടപടികള് പൂര്ത്തിയാകും വരെ വാര്ത്തകള് പ്രസിദ്ധീകരിക്കുന്നത് തടയണമെന്നും രഹസ്യ വിചാരണ എന്ന കോടതി ഉത്തരവ് ലംഘിക്കുന്ന മാധ്യമങ്ങള്ക്കെതിരെ കടുത്ത നടപടി സ്വീകരിക്കണമെന്നും ദിലീപ് ഹര്ജിയില് ആവശ്യപ്പെടുന്നു. അതേസമയം ദിലീപ് നൽകിയ ഹർജി നിയമപരമായി നില നിൽക്കുന്നതല്ലെന്ന് പ്രോസിക്യൂഷന് വാദിച്ചു.