തിരുവനന്തപുരം: കെഎസ്ആര്ടിസി ബസുകളില് ഉച്ചത്തില് മൊബൈല് ഫോണും ഇലക്ട്രോണിക് ഉപകരങ്ങളും ഉപയോഗിക്കുന്നതിന് നിരോധനം. ഇത് സംബന്ധിച്ച് നിരവധി പരാതികള് ഉണ്ടാകുന്ന സാഹചര്യത്തിലാണ് നടപടിയെന്ന് കെ.എസ്.ആര്.ടി.സി പത്രക്കുറിപ്പില് അറിയിച്ചു.
കെഎസ്ആര്ടിസി ബസുകളില് യാത്ര ചെയ്യുന്ന ചില യാത്രാക്കാര് അമിത ശബ്ദത്തില് മൊബൈല് ഫോണില് സംസാരിക്കുന്നതും സഭ്യമല്ലാതെ സംസാരിക്കുന്നതും അമിത ശബ്ദത്തില് വീഡിയോ, ഗാനങ്ങള് എന്നിവ ശ്രവിക്കുന്നതും സഹയാത്രക്കാര്ക്ക് ബുദ്ധിമുട്ട് ഉണ്ടാക്കുന്നുവെന്ന നിരവധി പരാതികള് ഉയര്ന്നിരുന്നു.
എല്ലാത്തരം യാത്രക്കാരുടേയും താല്പര്യങ്ങള് പരമാവധി സംരക്ഷിച്ചുകൊണ്ട് സുരക്ഷിതമായ യാത്ര പ്രദാനം ചെയ്യാനാണ് കെഎസ്ആര്ടിസിയുടെ ശ്രമം. കൂടാതെ ഇത്തരത്തിലുള്ള പെരുമാറ്റം കാരണം ബസിനുള്ളില് അനാരോഗ്യകരവും അസുഖകരവുമായ യാത്രാ അന്തരീക്ഷം സൃഷ്ടിക്കുകയും ചെയ്യുന്നു. ഈ സാഹചര്യത്തിലാണ് കെഎസ്ആര്ടിസി നിരോധനംവുമായി രംഗത്തെത്തിയത്.