ദുബായ്: ഉക്രെയ്നിലെ റഷ്യ സൈനിക നടപടി ആരംഭിച്ചതിന് പിന്നാലെ ആഗോളവിപണിയില്‍ ക്രൂഡ് ഓയില്‍ വില കുത്തനെ ഉയർന്നു. ക്രൂഡ് ഓയില്‍ വില ബാരലിന് 100 ഡോളര്‍ കടന്നു.
ഏഴുവര്‍ഷത്തിനിടെ ഇതാദ്യമായാണ് അസംസ്‌കൃത എണ്ണവില 100 ഡോളര്‍ പിന്നിടുന്നത്. ബാരലിന് 101.36 ഡോളറാണ് ക്രൂഡ് ഓയില്‍ വില.
അതേസമയം ആഗോള ഓഹരി വിപണികളില്‍ കനത്ത നഷ്ടമാണ് രേഖപ്പെടുത്തിയത്.
ഡോളറുമായുളള ഇന്ത്യന്‍ രൂപയുടെ മൂല്യവും ഇടിഞ്ഞു. 55 പൈസ ഇടിവ് രേഖപെടുത്തി ഡോളറിനെതിരെ 75 രൂപ 16 പൈസയിലെത്തി. യുഎഇ ദിർഹവുമായും ഇന്ത്യന്‍ രൂപയുടെ മൂല്യമിടിഞ്ഞു. ഒരു ദിർഹത്തിന് 20 രൂപ 47 പൈസ എന്നതാണ് രൂപയുടെ മൂല്യം.