അബുദബി: ദുബായ് ഉള്‍പ്പടെയുളള എമിറേറ്റുകളില്‍ നിന്ന് അബുദബിയില്‍ പ്രവേശിക്കാന്‍ ഗ്രീന്‍ പാസ് നിർബന്ധമല്ലെന്ന് അബുദബി എമർജന്‍സി ക്രൈസിസ് ആന്‍റ് ഡിസാസ്റ്റേഴ്സ് കമ്മിറ്റി.
ഇഡിഇ സ്കാനിംഗും ഗ്രീന്‍ പാസും ഫെബ്രുവരി 28 മുതലുണ്ടാകില്ലെന്നാണ് അബുദബി എമർജന്‍സി ക്രൈസിസ് ആന്‍റ് ഡിസാസ്റ്റേഴ്സ് കമ്മിറ്റി അറിയിച്ചിട്ടുളളത്. എന്നാല്‍ അബുദബിയിലെ പൊതുസ്ഥലങ്ങളിലെ പ്രവേശനത്തിന് ഗ്രീന്‍ പാസ് പ്രോട്ടോക്കോളുണ്ടാകും.
കോവിഡ് സാഹചര്യത്തിലാണ് എമിറേറ്റിലേക്ക് പ്രവേശിക്കുന്നതിന് ഗ്രീന്‍ പാസ് പ്രോട്ടോക്കോള്‍ നിർബന്ധമാക്കിയത്. ഇത് ഒഴിവാക്കുന്നത് എമിറേറ്റിലേക്കുളള യാത്ര ചെയ്യുന്നവർക്ക് ആശ്വാസകരമാകും.