തിരുവനന്തപുരം: സംസ്ഥാനത്ത് കോവിഡ് നിയന്ത്രണങ്ങളില് കൂടുതല് ഇളവുകള് പ്രഖ്യാപിച്ചു. ഇതോടെ തിയേറ്ററുകളില് 100 ശതമാനം പേര്ക്കും പ്രവേശനം അനുവദിച്ചു. കൂടാതെ ആശുപത്രിയില് ചികിത്സയില് കഴിയുന്ന രോഗികളുടെ എണ്ണത്തിന്റെ അടിസ്ഥാനത്തില് ജില്ലകളെ കാറ്റഗറി തിരിച്ച് നിയന്ത്രണം ഏര്പ്പെടുത്തിയിരുന്നത് ഒഴിവാക്കി.
തിയേറ്ററുകള്ക്ക് പുറമെ ബാറുകള്, ക്ലബുകള്, ഹോട്ടലുകള്, റസ്റ്റോറന്റുകള്, മറ്റ് ഭക്ഷണശാലകളിലുമെല്ലാം 100 ശതമാനം സീറ്റിലും ആളെ പ്രവേശിപ്പിക്കാന് അനുവാദം നല്കി. സര്ക്കാര്-അര്ദ്ധ സര്ക്കാര്-പൊതുമേഖലാ സ്ഥാപനങ്ങളിലെ യോഗങ്ങള് ഓഫ്ലൈനായി നടത്താം. എല്ലാ പൊതുയോഗങ്ങളിലും 1500 പേരെ വരെ പ്രവേശിപ്പിക്കാനും അനുവാദം നല്കി.