ദുബായ്: എക്സ്പോ 2020 യ്ക്ക് തിരശീല വീഴാന്‍ ഇനി ഒരു മാസത്തിന്‍റെ അകലം മാത്രം. ഒക്ടോബർ ഒന്നിന് സന്ദർശകരെ സ്വീകരിക്കാന്‍ ആരംഭിച്ച ലോക മഹാമേളയ്ക്ക് മാർച്ച് 31 ന് സമാപനമാകും.
എക്സ്പോയിലെ പവലിയനുകള്‍ മാർച്ചില്‍ രാത്രി 11 വരെ പ്രവർത്തിക്കുമെന്ന് അധികൃതർ അറിയിച്ചിട്ടുണ്ട്. രാത്രി 10 മണിയെന്നുളളതാണ് ഒരു മണിക്കൂർ കൂടി ദീർഘിപ്പിച്ചിരിക്കുന്നത്.
ഇതുവരെ 16 ദശലക്ഷം സന്ദർകരാണ് എക്സ്പോയിലെത്തിയത്. ഇനിയുളള 30 ദിവസങ്ങളില്‍ വലിയ സന്ദർശക പ്രവാഹമുണ്ടാകുമെന്നാണ് പ്രതീക്ഷിക്കുന്നത്. എക്സ്പോയുടെ തുറന്ന സ്ഥലങ്ങളിൽ മാസ്ക് വേണ്ടയെന്നുളള തീരുമാനവും കഴിഞ്ഞ ദിവസം വന്നിരുന്നു.