ദുബായ്: റമദാന് കാലത്ത് ദുബായിലെ പൊതുമേഖലയിലെ തൊഴില്‍ സമയം പ്രഖ്യാപിച്ചു.
സർക്കാർ ഓഫീസുകള്‍ തിങ്കള്‍ മുതല്‍ വ്യാഴം വരെ രാവിലെ 9 മുതല്‍ ഉച്ചക്ക് രണ്ടുവരെ പ്രവർത്തിക്കും.
വെള്ളിയാഴ്ച തൊഴില്‍ ദിനമായതിന് ശേഷമെത്തുന്ന ആദ്യ റമദാനെന്ന പ്രത്യേകത കൂടിയുണ്ട് ഇത്തവണത്തെ റമദാന്.
വെള്ളിയാഴ്ച ഉച്ചക്ക് ശേഷവും ശനി,ഞായർ ദിവസങ്ങളില്‍ പൂർണമായും അവധിയായിരിക്കും.
നിലവില്‍ വെളളിയാഴ്ച മുതല്‍ ഞായർ വരെ വാരാന്ത്യ അവധിയായ ഷാർജയില്‍ റമദാനിലും അതേ രീതി തുടരും.
ഏപ്രില്‍ രണ്ട് മുതല്‍ യുഎഇയില്‍ റമദാന് ആരംഭിക്കുമെന്നാണ് പ്രതീക്ഷിക്കുന്നത്.