അബുദബി: എമിറേറ്റിലെ ടൂറിസം മേഖലകള്‍ സന്ദ‍ർശിക്കാനുളള മാർഗനിർദ്ദേശം അബുദബി പുതുക്കി. കോവിഡ് വാക്സിനെടുക്കാത്തവ‍ർക്ക് 48 മണിക്കൂറിനുളളിലെ കോവിഡ് പരിശോധനാഫലം നെഗറ്റീവാണെങ്കില്‍ പരിപാടികള്‍ക്കും, ടൂറിസ്റ്റ് കേന്ദ്രങ്ങളിലും സാംസ്കാരിക മേഖലകളിലും പ്രവേശിക്കാം.
പുതുക്കിയ മാർഗനിർദ്ദേശങ്ങള്‍ ഇന്ന് മുതല്‍ പ്രാബല്യത്തിലായി. രാജ്യത്തെ പ്രതിദിന കോവിഡ് കേസുകളില്‍ കുറവ് രേഖപ്പെടുത്തുന്ന പശ്ചാത്തലത്തിലാണ് കോവിഡ് നിയന്ത്രണങ്ങളിലും അധികൃതർ ഇളവ് നല്‍കുന്നത്.