തിരുവനന്തപുരം: മതസ്പര്ധ വളര്ത്തുന്ന വീഡിയോ യൂട്യൂബ് ചാനല് വഴി അവതരിപ്പിച്ച അവതാരകന് അറസ്റ്റില്. നെയ്യാറ്റിന്കര ഇരുമ്പിലിന് സമീപം വയലറത്തല വീട്ടില് വാടകയ്ക്ക് താമസിക്കുന്ന ബാദുഷ ജമാല് (32) ആണ് അറസ്റ്റിലായത്.
ഒരാഴ്ച മുന്പ് വഴിമുക്ക്, പച്ചിക്കോട്, നിസാം മന്സിലില് നിസാം, ഭാര്യ ആന്സില, രണ്ടു വയസുള്ള ഇവരുടെ മകന് എന്നിവരെ സമീപവാസികള് ആക്രമിച്ച സംഭവമുണ്ടായി. ഇതില് നെയ്യാറ്റിന്കര പൊലീസ് കേസ് എടുത്തെങ്കിലും പ്രതികളെ പിടികൂടിയിരുന്നില്ല. ഈ സംഭവത്തെ മതസ്പര്ധ വളര്ത്തുന്ന തരത്തില് ഡെമോക്രസി എന്ന യൂട്യൂബ് ചാനല് വഴി ബാദുഷ ജമാല് പ്രചരിപ്പിച്ചുവെന്നാണ് പൊലീസ് കണ്ടെത്തിയത്.
മതസ്പര്ധ വളര്ത്തുന്ന തരത്തിലുള്ള വേറെയും വാര്ത്തകള് പ്രതി യൂട്യൂബ് ചാനല് വഴി നേരത്തേ വാര്ത്ത പ്രചരിപ്പിച്ചിരുന്നു. മാത്രവുമല്ല 2017-ല് പൊലീസിന്റെ കൃത്യനിര്വഹണത്തിന് തടസം സൃഷ്ടിച്ചതിന് ബാദുഷയുടെ പേരില് മറ്റൊരു കേസും ഉണ്ട്.