ദുബായ്: രാജ്യത്ത് പൊതു സ്വകാര്യമേഖലകള്‍ക്കുളള ക്രൗഡ് ഫണ്ടിംഗിന് അംഗീകാരം നല്‍കിയതായി യുഎഇ വൈസ് പ്രസിഡന്‍റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം. പുതിയ വ്യാപാരയ ആശയങ്ങള്‍ക്കായാണ് ക്രൗഡ് ഫണ്ടിംഗിന് യുഎഇയില്‍ അംഗീകാരം നല്‍കിയത്.
എക്സ്പോ 2020 ദുബായില്‍ നടന്ന അവസാന ക്യാബിനറ്റ് യോഗത്തിലാണ് തീരുമാനമുണ്ടായത്. നൂതന വ്യാപാര ആശയങ്ങള്‍ക്ക് ധനസഹായം നല്‍കാനുളള ഏറ്റവും മികച്ച മാർഗമാണ് ക്രൗഡ് ഫണ്ടിംഗ്. യുവാക്കള്‍ക്കും സംരംഭകർക്കും അവരുടെ ആശങ്ങള്‍ക്ക് ധനസഹായം നല്‍കുന്നതിന് ഇത് വാതില്‍ തുറക്കുമെന്നും ഷെയ്ഖ് മുഹമ്മദ് ട്വീറ്റില്‍ കുറിച്ചു.