തിരുവനന്തപുരം: കേരളത്തില് കനത്ത മഴ അഞ്ചു ദിവസം കൂടി തുടര്ന്നേക്കുമെന്ന് മുന്നറിയിപ്പ്. അടുത്ത മണിക്കൂറുകളില് കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളില് ഇടിയോടുകൂടിയ മഴയ്ക്കും മണിക്കൂറില് 40 കിലോമീറ്റര് വരെ വേഗത്തില് വീശിയടിച്ചേക്കാവുന്ന കാറ്റിനും സാധ്യതയുണ്ടെന്നു കേന്ദ്ര കാലാവസ്ഥ വകുപ്പ് അറിയിച്ചു.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളില് ശനിയാഴ്ച യെലോ അലര്ട്ടും, പത്തനംതിട്ട, കോട്ടയം, ഇടുക്കി ജില്ലകളില് ഞായറാഴ്ച യെല്ലോ അലര്ട്ടും പ്രഖ്യാപിച്ചു.
മഴയ്ക്കൊപ്പം കാറ്റിനും ഇടിമിന്നലിനും സാധ്യതയുള്ളതിനാല് ജാഗ്രത പുലര്ത്തണമെന്നും മുന്നറിയിപ്പില് വ്യക്തമാക്കുന്നു.