കൊച്ചി: നടന് ദിലീപിന്റെ അഭിഭാഷകരുടെ ഫോണ് സംഭാഷണം ചോര്ന്ന സംഭവത്തില് കേസ് അന്വേഷിക്കുന്ന ക്രൈംബ്രാഞ്ചിനെതിരെ ബാര് കൗണ്സിലിന് പരാതി. ഹൈക്കോടതി അഭിഭാഷകനായ സേതുരാമനാണ് പരാതിയുമായി ബാര് കൗണ്സിലിനെ സമീപിച്ചത്.
അഭിഭാഷകനും കക്ഷിയും തമ്മിലുള്ള സംഭാഷണം പ്രിവിലേജ്ഡ് കമ്മ്യൂണിക്കേഷനാണെന്നും അത് മാധ്യമങ്ങളിലൂടെ പുറത്തുവിട്ടത് നിയമവിരുദ്ധമാണെന്നും പരാതിയില് ചൂണ്ടിക്കാട്ടുന്നു.
ചട്ടലംഘനം നടത്തിയ ഉദ്യോഗസ്ഥര്ക്കെതിരെ ബാര്കൗണ്സില് നിയമ നടപടി സ്വീകരിക്കണമെന്നും പരാതിക്കാരന് ആവശ്യപ്പെട്ടു. നടിയെ ആക്രമിച്ച കേസില് രാമന്പിള്ളയും അദ്ദേഹത്തിന്റെ ജൂനിയര് അഭിഭാഷകരും ദിലീപിനും സഹോദരന് അനൂപിനോടും ഭാര്യാസഹോദരന് സൂരജിനോടും സംസാരിക്കുന്നതിന്റെ ഓഡിയോ ആണ് കഴിഞ്ഞ ദിവസങ്ങളില് പുറത്തു വന്നത്.