കൊച്ചി: വിജയ് ബാബുവിനായി വിമാനത്താവളങ്ങളില് അടക്കം ഉടന് ലുക്ക്ഔട്ട് സര്ക്കുലര് നല്കാൻ പൊലീസ് തീരുമാനം. വിജയ് ബാബുവിന്റെ പനമ്പിള്ളി നഗറിലെ ഫ്ലാറ്റില് പൊലീസ് പരിശോധന നടത്തി.
ഇയാള് വിദേശത്തായതിനാല് തുടര് നടപടികള് സ്വീകരിക്കാന് കഴിഞ്ഞിട്ടില്ലെന്നും പൊലീസ് പറയുന്നു. അതേസമയം ബലാത്സംഗ കേസില് മുന്കൂര് ജാമ്യം തേടി നടന് വിജയ് ബാബു ഇന്ന് ഹൈക്കോടതിയെ സമീപിച്ചേക്കും. ഇവിടെ താനാണ് ഇരയെന്നും നിരപരാധിത്വം കോടതിയെ ബോധ്യപ്പെടുത്തുമെന്നുമാണ് വിജയ് ബാബുവിന്റെ നിലപാട്.
രണ്ടു കേസുകളാണ് വിജയ് ബാബുവിനെതിരെ എറണാകുളം സൗത്ത് പോലീസ് രജിസ്റ്റര് ചെയ്തിട്ടുള്ളത്. കോഴിക്കോട് സ്വദേശിയായ യുവതിയെ ബലാത്സംഗം ചെയ്തതിനും പരാതിക്കാരിയുടെ പേര് വെളിപ്പെടുത്തിയതിനുമാണ് കേസുകള്.