കൊച്ചി: നടനും നിര്മാതാവുമായ വിജയ ബാബുവിനെതിരെ പീഡന പരാതി ഉയര്ന്നിട്ടും ഉത്തരവാദിത്വപ്പെട്ടവര് നിശബ്ദത പുലര്ത്തുന്നുവെന്ന ആരോപണവുമായി സിനിമയിലെ വനിതാ കൂട്ടായ്മയായ ഡബ്ല്യുസിസി രംഗത്ത്. വിജയ ബാബു വിഷയത്തില് മലയാള സിനിമാ മേഖലയില് നിന്ന് പതിവ് കാതടപ്പിക്കുന്ന നിശബ്ദതയാണ്.
വിഷയത്തില് ആരോപണ വിധേയന് അംഗമായ സംഘടനകള് ഇതുവരെ ഒരു പ്രതികരണവും നടത്തിയിട്ടില്ല. മലയാള സിനിമയില് പ്രബലനും സ്വാധീനവുമുള്ള ഈ വ്യക്തിയുടെ ആക്രമണങ്ങളെക്കുറിച്ച് ഫിലിം ഇന്ഡസ്ട്രിയില് നിന്നും ആരും ഒന്നും പറയാന് തയ്യാറാവുന്നില്ല.
ഈ നിശ്ശബ്ദതയാണ് സ്ത്രീകള്ക്ക് നേരെ വീണ്ടും വീണ്ടും ഉണ്ടാകുന്ന ആക്രമണങ്ങള്ക്കും ചൂഷണങ്ങള്ക്കും കാരണമാവുന്നത്. നിശബ്ദത കൊടിയ അന്യായമാണെന്നും ഡബ്ല്യുസിസി ഫേസ്ബുക്കില് കുറിച്ചു.