തിരുവനന്തപുരം: വിദ്വേഷ പ്രസംഗം നടത്തിയെന്ന പരാതിയില് മുന് എം.എല്.എ പി.സി ജോര്ജിനെതിരെ പൊലീസ് കേസെടുത്തു. തിരുവനന്തപുരം ഫോര്ട്ട് പോലീസാണ് കേസെടുത്തത്.
ഡി.ജി.പി അനില്കാന്തിന്റെ നിര്ദേശപ്രകാരമാണ് നടപടി. പി.സി ജോര്ജിനെതിരെ നടപടി ആവശ്യപ്പെട്ട് യൂത്ത് ലീഗ് ഉള്പ്പെടെ ഡി.ജി.പിക്ക് പരാതി നല്കിയിരുന്നു. ഹിന്ദു മുസ്ലീം വൈരം ഉണ്ടാക്കുന്ന രീതിയിലും മതസ്പര്ധ വളര്ത്തുന്ന രീതിയിലും പ്രകോപനപരമായി പ്രസംഗിച്ചതിനാണ് കേസെന്ന് എഫ്ഐആറില് പറയുന്നു.
പിസി ജോര്ജ്ജിന്റെ മൊഴി ഉള്പ്പടെ വരും ദിവസങ്ങളില് രേഖപ്പെടുത്തിയ ശേഷമായിരിക്കും തുടര് നടപടിയെന്ന് ഫോര്ട്ട് പൊലീസ് അറിയിച്ചു153 എ വകുപ്പ് പ്രകാരമാണ് കേസ്. ഹിന്ദു മഹാപരിഷത്ത് തിരുവനന്തപുരത്ത് നടത്തിയ 'അനന്തപുരി ഹിന്ദു മഹാസമ്മേളനം' ഉദ്ഘാടനം ചെയ്യുമ്പോഴാണ് പി.സി. ജോര്ജ് വിവാദ പ്രസംഗം നടത്തിയത്.