കണ്ണൂര്: ഇരിട്ടിയില് കാണാതായ പെണ്കുട്ടിയെ പുഴയില് മരിച്ച നിലയില് കണ്ടെത്തി. പുന്നാട് സ്വദേശിനി ജഹാന ഷെറിന്(19) ആണ് മരിച്ചത്. ശനിയാഴ്ച ഉച്ചയോടെ ജഹാനയെ കാണാതായിരുന്നു. തുടര്ന്ന് ബന്ധുക്കള് പൊലീസില് പരാതി നല്കി. കോളിക്കടവ് പുഴയിലാണ് വിദ്യാര്ഥിനിയുടെ മൃതദേഹം കണ്ടെത്തിയത്. ജഹാനയുടെ മരണത്തില് ദുരൂഹതയുണ്ടെന്നാണ് ബന്ധുക്കള് പറയുന്നത്.
പൊലീസും നാട്ടുകാരും ചേര്ന്നു നടത്തിയ തിരച്ചിലിലാണ് ഞായറാഴ്ച വൈകിട്ടോടെ മൃതദേഹം കണ്ടെത്തിയത്. പോസ്റ്റ്മോര്ട്ടം നടപടികള്ക്കായി മൃതദേഹം പരിയാരം മെഡിക്കല് കോളജിലേക്കു മാറ്റി. വീട്പ്പാട് എന്എന്ഡിപി കോളജിലെ രണ്ടാം വര്ഷ ബിബിഎ വിദ്യാര്ഥിനിയാണ് ജഹാന ഷെറിന്. സംഭവത്തില് അന്വേഷണം തുടങ്ങിയതായി പോലീസ് അറിയിച്ചു.