കോഴിക്കോട്: പേരാമ്പ്രയിൽ വിവാഹ വിരുന്നിൽ പങ്കെടുത്തവര്ക്ക് ഭക്ഷ്യവിഷബാധ. ഛര്ദിയും വയറിളക്കവും അനുഭവപ്പെട്ടതിനെ തുടര്ന്ന് നിരവധിപ്പേര് ആശുപത്രിയില് ചികിത്സ തേടി.
എട്ടാം തീയതിയാണ് വിവാഹം നടന്നത്. വിവാഹ സദ്യ കഴിച്ചവർക്കാണ് അസ്വസ്ഥത അനുഭവപ്പെട്ടത്. വയറിളക്കവും ഛര്ദിയും അനുഭവപ്പെട്ടതിനെ തുടര്ന്ന് നിരവധിപ്പേരാണ് ആശുപത്രികളില് പ്രവേശിപ്പിച്ചത് .
50 ഓളം പേര് ചികിത്സ തേടിയതായാണ് റിപ്പോര്ട്ടുകള്. ഇതില് കൂടുതലും കുട്ടികളാണ്. വെള്ളത്തില് നിന്നാണ് രോഗബാധ ഉണ്ടായതെന്നാണ് പ്രാഥമിക നിഗമനം. ആരോഗ്യവകുപ്പ് പരിശോധന ആരംഭിച്ചിട്ടുണ്ട്. എന്നാല് ആരുടെയും നില ഗുരുതരമല്ല.