കൊച്ചി: വരാപ്പുഴ അതിരൂപതാ രാഷ്ട്രീയ കാര്യ സമിതി യോഗം ഇന്ന് ചേരും. തൃക്കാക്കര ഉപതെരഞ്ഞെടുപ്പില്‍ സഭയുടെ നിലപാട് തീരുമാനിക്കാനാണ് പ്രധാനമായും യോഗം ചേരുന്നത്. കഴിഞ്ഞ ദിവസം നടന്ന യോഗത്തില്‍ സര്‍ക്കാരിനെതിരെ കടുത്ത പ്രതിഷേധം ലത്തീന്‍ സഭ ഉയര്‍ത്തിയിരുന്നു.
തൃക്കാക്കരയില്‍ 20 ശതമാനം വോട്ടുള്ള തങ്ങളെ സര്‍ക്കാര്‍ പരിഗണിക്കുന്നില്ലെന്നായിരുന്നു വിമര്‍ശനം. ഈ പശ്ചാത്തലത്തില്‍ ലത്തീന്‍ സഭയുടെ നിലപാട് തെരഞ്ഞെടുപ്പില്‍ മുന്നണികള്‍ക്ക് ഏറെ നിര്‍ണായകമാണ്. വൈകിട്ട് ആറ് മണിക്കാണ് രാഷ്ട്രീയ കാര്യ സമിതി യോഗം ചേരുന്നത്.