അബുദാബി: അബുദബിയില് പാചകവാതക സിലിണ്ടർ പൊട്ടിത്തെറിച്ചുണ്ടായ അപകടത്തില് 2 പേർ മരിച്ചു. ഇതിലൊരാള് ഇന്ത്യാക്കാരനാണ്. ഇയാളുടെ കുടൂതല് വിവരങ്ങള് ശേഖരിക്കുകയാണെന്ന് ഇന്ത്യന് എംബസി പ്രാദേശിക മാധ്യമത്തോട് വ്യക്തമാക്കി.
അബുദബിയില് ഖലീദിയ ഭാഗത്താണ് റസ്റ്ററന്റില് ഉച്ചഭക്ഷണസമയത്ത് പാചകവാതക സിലിണ്ടർ പൊട്ടിത്തെറിച്ചത്. 120 പേർക്കാണ് പരുക്കേറ്റത്. പരുക്കേറ്റവരെ വിവിധ ആശുപത്രികളില് എത്തിച്ച് വൈദ്യസഹായം ഉറപ്പാക്കിയെന്ന് ആരോഗ്യവകുപ്പ് വ്യക്തമാക്കി.
അപകടത്തില് മരിച്ചവരുടെ കുടുംബാംഗങ്ങളോട് അനുശോചനം അറിയിക്കുന്നുവെന്ന് അബുദബി പോലീസ് അറിയിച്ചു. അപകടമുണ്ടായ സമയത്ത് തന്നെ സിവില് ഡിഫന്സ് സംഘം സ്ഥലത്തെത്തുകയും രക്ഷാ പ്രവർത്തനങ്ങള് നടത്തുകയും ചെയ്തു.