കൊല്ലം: കൊല്ലത്ത് കെഎസ്ആര്ടിസി ബസും ടൂറിസ്റ്റ് ബസും കൂട്ടിയിടിച്ച് 52 പേര്ക്ക് പരുക്കേറ്റു. കൊല്ലം-തെങ്കാശി പാതയില് കടയ്ക്കലിലാണ് അപകടമുണ്ടായത്. പാലോടുനിന്നു കുളത്തുപ്പുഴയ്ക്ക് പോയതാണ് കെഎസ്ആര്ടിസി ബസ്. തെന്മല ഭാഗത്തു നിന്ന് പാറശാലയ്ക്ക് പോകുകയായിരുന്നു ടൂറിസ്റ്റ് ബസ്.
തിങ്കളാഴ്ച രാത്രി ഏഴരയോടെയാണ് അപകടമുണ്ടായത്. പരുക്കേറ്റവരെ തിരുവനന്തപുരം മെഡിക്കല് കോളജ് ആശുപത്രിയില് പ്രവേശിപ്പിച്ചു. ഇവരില് രണ്ടു പേരുടെ നില ഗുരുതരമാണ്. ഇരു ബസുകളും അമിത വേഗതയിലായിരുന്നുവെന്ന് ദൃക്സാക്ഷികള് പറഞ്ഞു.
ബസില് കുടുങ്ങിയവരെ കടയ്ക്കല്നിന്ന് എത്തിയ അഗ്നിരക്ഷാസേനയും കടയ്ക്കല്, ചിതറ പൊലീസും നാട്ടുകാരും ചേര്ന്ന് ആശുപത്രിയില് എത്തിച്ചു. തലയിലും ശരീരമാസകലം പരുക്കേറ്റവരാണ് അധികവും. ടൂറിസ്റ്റ് ബസിലെ യാത്രക്കാര്ക്ക് ആണ് കൂടുതലും പരുക്ക്.
ഇരു ബസുകളുടെയും മുന്ഭാഗം തകര്ന്നു. പ്രദേശവാസികളായ നാട്ടുകാരാണ് ആദ്യം രക്ഷാപ്രവര്ത്തനത്തിന് എത്തിയത്. മെഡിക്കല് കോളജില് കണ്ട്രോള് റൂം തുറന്നിട്ടുണ്ട്-0471 2528322.