കൊച്ചി: തൃക്കാക്കര ഉപതെരഞ്ഞെടുപ്പിലെ വോട്ടെണ്ണല് മൂന്നാം റൗണ്ട് പൂര്ത്തിയായപ്പോള് യുഡിഎഫ് സ്ഥാനാര്ത്ഥി ഉമാ തോമസിന്റെ ലീഡ് 8000 കടന്നു. 8100 ആണ് ഉമാ തോമസിന്റെ ലീഡ്.
രാവിലെ ഏഴരയോടെ മഹാരാജാസ് കോളജിലെ സ്ട്രോങ് റൂം തുറന്നു ബാലറ്റ് യൂണിറ്റുകള് വോട്ടെണ്ണല് മേശകളിലേക്കു മാറ്റി. എട്ടിനു യന്ത്രങ്ങളുടെ സീല് പൊട്ടിച്ച് എണ്ണിത്തുടങ്ങി. 240 ബൂത്തുകളിലാണ് തൃക്കാക്കരയില് ജനം വിധിയെഴുതിയത്. 1,96,805 വോട്ടര്മാരില് 1,35,320 പേരാണ് സമ്മതിദാനാവകാശം വിനിയോഗിച്ചത്.
മുഖ്യമന്ത്രി പിണറായി വിജയനും പ്രതിപക്ഷ നേതാവ് വി.ഡി.സതീശനും മണ്ഡലത്തില് തമ്പടിച്ചു പ്രചാരണം നടത്തിയിരുന്നതിനാല് ഫലം എല്ഡിഎഫിനും യുഡിഎഫിനും നിര്ണായകമാണ്.