തിരുവനന്തപുരം: വ്യാഴാഴ്ച മുതല് വാഹനങ്ങളില് സണ്ഫിലിം പരിശോധന കര്ശനമാക്കാന് ഗതാഗത കമ്മീഷണറുടെ നിര്ദ്ദേശം. കൂളിങ് ഫിലിം, സണ് ഫിലിം, ടിന്റഡ് ഫിലിം തുടങ്ങിയവ ഒട്ടിച്ച വാഹനങ്ങള്ക്കെതിരെ കര്ശന നടപടി ഉണ്ടാകുമെന്ന് നിര്ദേശത്തില് വ്യക്തമാക്കുന്നു.
ഇതിനായി ജൂണ് ഒന്പത് മുതല് 14 വരെ ഗതാഗത വകുപ്പിന്റെ സ്പെഷല് ഡ്രൈവ് നടക്കും. വാഹനങ്ങളുടെ ഗ്ലാസുകളില് ഫിലിം ഒട്ടിച്ച് യാതൊരു മാറ്റവും അനുവദിക്കില്ലെന്ന കോടതി വിധി നേരത്തെ നിലവിലുണ്ട്. ഗതാഗത മന്ത്രി ആന്റണി രാജു ഗതാഗത കമ്മീഷണര്ക്ക് നിര്ദ്ദേശം നല്കിയതിനെ തുടര്ന്നാണ് നടപടി.