തിരുവനന്തപുരം: ഊരിപ്പിടിച്ച വാളുകള്ക്കിടയിലൂടെ നടന്ന മുഖ്യമന്ത്രി പിണറായി വിജയന് ആരെയാണ് ഭയപ്പെടുന്നതെന്ന് പ്രതിപക്ഷ നേതാവ് വി.ഡി സതീശന്. സ്വപ്ന സുരേഷിന്റെ ആരോപണങ്ങള്ക്കും പ്രതിഷേധങ്ങള്ക്കുമിടെ മുഖ്യമന്ത്രിയുടെ സുരക്ഷ വര്ധിപ്പിച്ച പശ്ചാത്തലത്തില് പ്രതികരിക്കുകയായിരുന്നു പ്രതിപക്ഷ നേതാവ്.
മുഖ്യമന്ത്രി എന്തിനാണ് കേരളത്തില് ഇത്രയും വലിയ സുരക്ഷയില് പോകുന്നത്. ഉമ്മന് ചാണ്ടിയെ സിപിഎമ്മുകാര് കല്ലെറിഞ്ഞതു പോലെ കേരളത്തിലെ മുഖ്യമന്ത്രിയെ ഒരു യുഡിഎഫുകാരനും കല്ലെറിയില്ലെന്നും പ്രതിപക്ഷ നേതാവ് വ്യക്തമാക്കി.
എന്തിനാണ് ഇത്രയും വലിയ സുരക്ഷ ഏര്പ്പെടുത്തി ജനങ്ങളെ ബുദ്ധിമുട്ടിക്കുന്നത്. സര്ക്കാര് ഭയപ്പെടുന്നത് എന്തിനേയാണ്. എന്തിനാണ് മുഖ്യമന്ത്രി ഇത്രയും ഭയപ്പെടുന്നത്. ഊരിപ്പിടിച്ച വാളുകള്ക്കിടയില് നടന്ന ആള് എന്തിനാണ് ഇത്രയും ഭയപ്പെടുന്നതെന്നു വി.ഡി സതീശന് ചോദിച്ചു.