തിരുവനന്തപുരം: രാഹുൽ ഗാന്ധിക്കെതിരായ ഇ.ഡി നടപടിയിൽ പ്രതിഷേധിച്ച് കെപിസിസിയുടെ നേതൃത്വത്തിൽ കോൺഗ്രസ് രാജ് ഭവനിലേക്ക് നടത്തിയ മാർച്ചിൽ സംഘർഷം. ബാരിക്കേഡുകൾ മറികടക്കാൻ കോൺഗ്രസ് പ്രവർത്തകർ ശ്രമിച്ചു.
പ്രതിഷേധക്കാർക്ക് നേരെ പൊലീസ് ജലപീരങ്കിയും ഗ്രാനേഡും കണ്ണീർ വാതകവും പ്രയോഗിച്ചു. പ്രവർത്തകർ പൊലീസുകാർക്ക് നേരെ കല്ലെറിഞ്ഞു. കെപിസിസി അധ്യക്ഷന് കെ. സുധാകരന്, പ്രതിപക്ഷ നേതാവ് വി.ഡി സതീശന് തുടങ്ങിയവര് ഉദ്ഘാടനം കഴിഞ്ഞ് മടങ്ങിയ ശേഷമാണ് പോലീസും കോണ്ഗ്രസ് പ്രവര്ത്തകരും തമ്മിൽ സംഘർഷമുണ്ടായത്.
രാജ് ഭവന് മുന്നില് മാര്ച്ച് തടയാന് പൊലീസ് ബാരിക്കേഡ് സ്ഥാപിച്ചിരുന്നു. ഇത് മറികടക്കാനുള്ള ശ്രമത്തിനൊടുവിലാണ് സംഘര്ഷമുണ്ടായത്. ഒരു ബാരിക്കേഡ് പ്രവര്ത്തകര് മറിച്ചിട്ടു. പൊലീസ് ഇവരെ അനുനയിപ്പിക്കാന് ശ്രമിച്ചെങ്കിലും പ്രവര്ത്തകര് പിരിഞ്ഞുപോയില്ല. ഇതോടെ പോലീസ് രണ്ട് തവണ ജലപീരങ്കി പ്രയോഗിച്ചു. പിന്നാലെ കണ്ണീര് വാതകവും പ്രയോഗിച്ചു. സ്ഥലത്ത് സംഘര്ഷാവസ്ഥ തുടരുകയാണ്.