തിരുവനന്തപുരം: വ്യാജ വീഡിയോ സംബന്ധിച്ച് എല്.ഡി.എഫ് കണ്വീനര് ഇ പി ജയരാജന്റെ പരാമര്ശത്തിനെതിരെ നിയമ നടപടിയുമായി പ്രതിപക്ഷ നേതാവ് വി ഡി സതീശന്. തൃക്കാക്കര ഉപതെരഞ്ഞെടുപ്പിലെ ഇടത് സ്ഥാനാര്ഥി ഡോ. ജോ ജോസഫിന്റെ വ്യാജ വീഡിയോ നിര്മ്മിച്ചത് പ്രതിപക്ഷ നേതാവ് വി ഡി സതീശനാണെന്നായിരുന്നു ഇ.പി ജയരാജന്റെ ആരോപണം.
നടപടിയുടെ ഭാഗമായി പ്രതിപക്ഷ നേതാവിന് വേണ്ടി ഹൈക്കോടതി അഭിഭാഷകന് അനൂപ് വി. നായര് ഇ പി ജയരാജന് നോട്ടീസ് അയച്ചു. അവാസ്തവമായ പ്രസ്തവന ജയരാജന് ഏഴ് ദിവസത്തിനകം പിന്വലിച്ച് പരസ്യമായി മാപ്പ് പറയണമെന്നാണ് നോട്ടീസില് ആവശ്യപ്പെട്ടിരിക്കുന്നത്. ഇതിന് തയാറായില്ലെങ്കില് സിവില്, ക്രിമിനല് നടപടിക്രമങ്ങള് അനുസരിച്ച് നിയമ നടപടി സ്വീകരിക്കുമെന്ന് നോട്ടീസില് വ്യക്തമാക്കുന്നു.