തിരുവനന്തപുരം; സംസ്ഥാനത്ത് ഇന്ന് വ്യാപക മഴയ്ക്ക് സാധ്യത. തിരുവനന്തപുരം, കൊല്ലം ഒഴികെയുള്ള 12 ജില്ലകളില് യെല്ലോ അലര്ട്ട് പ്രഖ്യാപിച്ചു.
ആലപ്പുഴ, ഇടുക്കി, കോട്ടയം, എറണാകുളം, തൃശൂര്, പാലക്കാട്, പത്തനംതിട്ട, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോട് ജില്ലകളിലാണ് യെല്ലോ അലര്ട്ട്. ഒറ്റപ്പെട്ടയിടങ്ങളില് കനത്ത മഴ ലഭിക്കുമെന്ന് കാലാവസ്ഥാ കേന്ദ്രം അറിയിച്ചു. മത്സ്യതൊഴിലാളികള് കടലില് പോകരുതെന്ന് നിര്ദ്ദേശമുണ്ട്.
വടക്കന് കേരളത്തിലെ മലയോരമേഖലകളില് കൂടുതല് മഴ കിട്ടിയേക്കും. ശക്തമായ കാലവര്ഷക്കാറ്റിനൊപ്പം കര്ണാടക തീരം മുതല് വടക്കന് മഹാരാഷ്ട്ര തീരം വരെ നിലനില്ക്കുന്ന ന്യുനമര്ദ്ദ പാത്തിയുമാണ് ഈ ദിവസങ്ങളില് മഴ കനക്കുന്നതിന് കാരണം. നാളെയും 12 ജില്ലകളില് യെല്ലോ അലര്ട്ട് പ്രഖ്യാപിച്ചു.
കനത്ത മഴ തുടരുന്ന സാഹചര്യത്തില് കാസര്കോട്, മഞ്ചേശ്വരം താലൂക്കുകളില് സ്ഥിതി ചെയ്യുന്ന എല്ലാ സ്കൂളുകള്ക്കും ഇന്ന് അങ്കണവാടികള്ക്കും അവധി പ്രഖ്യാപിച്ചു.