കൊച്ചി: ലക്ഷക്കണക്കിന് പേരെ ബാധിക്കുന്ന ബഫര് സോണ് വിഷയത്തില് ജനങ്ങളുടെ വികാരം സുപ്രീംകോടതിയെ അറിയിക്കാന് സര്ക്കാര് മുന്കൈ എടുക്കണമെന്ന് സീറോ മലബാര് സഭ മേജര് ആര്ച്ച് ബിഷപ്പ് കര്ദിനാള് മാര് ജോര്ജ് ആലഞ്ചേരി. കൊച്ചിയില് മാധ്യമപ്രവര്ത്തകരുടെ ചോദ്യങ്ങള്ക്ക് മറുപടി നല്കുകയായിരുന്നു അദേഹം.
ഇക്കാര്യത്തില് സര്ക്കാര് പുനര്വിചിന്തനം നടത്തണം. മനുഷ്യന്റെ ജീവിതപ്രശ്നമാണിത്. ലക്ഷക്കണക്കിന് ആളുകളെയാണ് ഇത് ബാധിക്കുക. മനുഷ്യരെ ബലിയാടാക്കിയല്ല ബഫര് സോണ് നടപ്പാക്കേണ്ടതെന്നും മാര് ജോര്ജ് ആലഞ്ചേരി വ്യക്തമാക്കി. പരിസ്ഥിതി വിഷയങ്ങളില് സഭയും വിശ്വാസികളും സാധാരണക്കാര്ക്കൊപ്പം നില്ക്കുമെന്നും അദേഹം കൂട്ടിച്ചേര്ത്തു.