തിരുവനന്തപുരം: സംസ്ഥാനത്ത് ട്രോളിംഗ് നിരോധനം ഇന്നലെ രാത്രിയോടെ അവസാനിച്ചുവെങ്കിലും മത്സ്യ തൊഴിലാളികള് കടലില് പോകരുതെന്നാണ് നിര്ദ്ദേശം. അഞ്ചു ദിവസത്തേക്കാണ് നിലവില് കടലില് പോകുന്നതിന് വിലക്കുള്ളത്.
ഇന്ന് ഏഴ് ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിട്ടുള്ളത്. തിരുവനന്തപുരം മുതല് ഇടുക്കി വരെയുള്ള ജില്ലകളിലാകും ഇന്ന് വ്യാപക മഴ ലഭിക്കുക. അതുകൊണ്ടുതന്നെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു.
ഇടിമിന്നലോടുകൂടി തുടര്ച്ചയായി മഴ പെയ്യുന്നതിനാല് പ്രദേശികമായി ചെറു മിന്നല് പ്രളയമുണ്ടാകാമെന്നും കാലാവസ്ഥാ വിദഗ്ധര് മുന്നറിയിപ്പ് നല്കിയിട്ടുണ്ട്. ജനങ്ങള് ജാഗ്രത പാലിക്കണമെന്ന് മുഖ്യമന്ത്രി പിണറായി വിജയനും ആവശ്യപ്പെട്ടിട്ടുണ്ട്.