കുവൈത്ത് സിറ്റി: രാജ്യത്ത് വൈദ്യുതി ഉപയോഗത്തില്‍ റെക്കോർഡ് വർദ്ധനവ് രേഖപ്പെടുത്തി. 15,900 മെഗാവാട്ട് വൈദ്യുതിയാണ് ഞായറാഴ്ച ഉപയോഹിച്ചത്.രാജ്യത്തിന്‍റെ ചരിത്രത്തില്‍ ആദ്യമായാണ് ഇത്രയും ഉയർന്ന വൈദ്യുതി ഉപഭോഗം രേഖപ്പെടുത്തുന്നത്. വേനല്‍ കാലത്ത് പൊതുവെ വൈദ്യുതി ഉപയോഗത്തില്‍ വർദ്ധനവ് ഉണ്ടാകാറുണ്ടെങ്കിലും ഇത്രയും ഉയർന്ന തോത് ഇതുവരെയും രേഖപ്പെടുത്തിയിട്ടില്ല.
ജൂലൈ-ആഗസ്റ്റ്-സെപ്റ്റംബർ മാസങ്ങളിലാണ് കടുത്ത ചൂട് അനുഭവപ്പെടുന്നത്. അതുകൊണ്ടുതന്നെ എസി ഉപഭോഗം കൂടിയതാണ് വൈദ്യുതി ഉപഭോഗവും ഉയരാന്‍ കാരണമായതെന്നാണ് വിലയിരുത്തല്‍